დონალდ ტრამპის მიერ ღაზასთან დაკავშირებით მომზადებული გეგმის პირველი ეტაპის შესახებ შეთანხმებას ხელი ხუთშაბათს, გრინვიჩის დროით 09:00 საათზე მოეწერება.
როგორც Reuters-თან საუბარში წყარომ აღნიშნა, შეთანხმების ხელმოწერის შემდეგ, ღაზაში ცეცხლის შეწყვეტა ამოქმედდება.
The Jerusalem Post-ის ინფორმაციით, კატარი, ეგვიპტე, აშშ და თურქეთი ღაზის სამშვიდობო შეთანხმების გარანტორების სტატუსით შეთანხმების ტექსტს მოაწერენ ხელს.
ისრაელი და პალესტინის წინააღმდეგობის ორგანიზაცია ჰამასი შეთანხმდნენ ცეცხლის შეწყვეტის დიდი ხნის ნანატრი შეთანხმების პირველ ეტაპზე, რომელიც მიზნად ისახავს თელ-ავივის მიერ ღაზაში წარმოებული ომის დასრულებას. ამ ომმა 67 000-ზე მეტი პალესტინელის სიცოცხლე იმსხვერპლა და ახლო აღმოსავლეთი თავიდან ჩამოაყალიბა.
თუმცა, ღაზის სამოქალაქო თავდაცვის სააგენტომ განაცხადა, რომ ისრაელსა და ჰამასს შორის ცეცხლის შეწყვეტის გეგმაზე შეთანხმების გამოცხადებისთანავე, რეგიონში არაერთი თავდასხმა განხორციელდა.
სააგენტოს წარმომადგენელმა, მუჰამედ ელ-მუგაიირმა განაცხადა: "გუშინ ღამით ღაზისთვის დაგეგმილი ცეცხლის შეწყვეტის ფარგლებში შეთანხმების გამოცხადების შემდეგ, რამდენიმე აფეთქება მოხდა, განსაკუთრებით ღაზის ჩრდილოეთ რაიონებში," და აღნიშნა, რომ ქალაქ ღაზაზე "ინტენსიური საჰაერო თავდასხმები" განხორციელდა.
მეორე მხრივ, ისრაელის არმიამ ხუთშაბათს განაცხადა, რომ ისინი აგრძელებენ რეგიონში განლაგებას და ემზადებიან შესაძლო ოპერატიული ცვლილებებისთვის.
ეს ინფორმაცია მას შემდეგ გავრცელდა, რაც „როიტერმა“, შეთანხმების შესახებ ინფორმირებულ წყაროზე დაყრდნობით, გაავრცელა ინფორმაცია, რომ ღაზას სექტორთან დაკავშირებული შეთანხმების შესახებ ისრაელის უსაფრთხოების კაბინეტისა და მთავრობის შეხვედრები ორი საათით, გრინვინგის დროით 14:00 საათზე გადაიდო.
შეთანხმება სამ ძირითად პუნქტს მოიცავს: ისრაელელი მძევლების და პალესტინელი პატიმრების გათავისუფლება, ისრაელის ჯარების წინასწარ განსაზღვრული ხაზის უკან გაყვანა და ღაზაში საჭირო დახმარების სასწრაფო მიწოდება მრავალწლიანი ბლოკადისა და ომის შემდეგ.
ჰამასის წინააღმდეგობის ორგანიზაციის წყარომ AFP-ს განუცხადა, რომ შეთანხმების პირველი ეტაპის ფარგლებში ჰამასი 20 ისრაელელ მძევალს დაახლოებით 2000 პალესტინელ პატიმარზე გაცვლის.
მოლაპარაკებების მცოდნე წყარომ აღნიშნა, რომ გაცვლა შეთანხმების განხორციელებიდან 72 საათის განმავლობაში მოხდება.
წყარომ დასძინა, რომ ისრაელელი ტყვეები გათავისუფლდებიან სამუდამო პატიმრობა მისჯილი 250 პალესტინელის და ისრაელის მიერ გატაცებული 1700 პირის სანაცვლოდ, რომელთა შორის არიან ბავშვები და ქალები.
