რუსეთის თავდაცვის სამინისტრომ განაცხადა, რომ მათ უკრაინის სამხედრო დანიშნულების ლოგისტიკურ ცენტრებსა და გემებს დაარტყეს.
სამინისტროს მიერ გავრცელებულ განცხადებაში ნათქვამია, რომ რუსეთის არმია აგრძელებს უკრაინის სამხედრო ობიექტებზე მაღალი სიზუსტის იარაღითა და უპილოტო საფრენი აპარატებით თავდასხმებს.
ᲠᲔᲙᲝᲛᲔᲜᲓᲔᲑᲣᲚᲘ
განცხადებაში აღნიშნულია, რომ კიევის ოლქში დაიბომბა სამხედრო დანიშნულების 3 ლოგისტიკური ცენტრი, ხოლო ჩორნომორსკის პორტსა და შავ ზღვაში სამხედრო ტვირთის გადამზიდი 2 გემი გახდა სამიზნე.
სამინისტროს განცხადებაში ასევე ნათქვამია, რომ დარტყმები განხორციელდა ოდესის პორტში მდებარე სამხედრო საწყობებზეც.
