საგარეო საქმეთა სამინისტრომ მკაცრად დაგმო იემენელი ჰუსიტების თავდასხმა, რომელიც მიმართული იყო მედინაში მდებარე მასჯიდ ალ-ნაბავის მომსახურებისთვის განკუთვნილი სამოქალაქო ინფრასტრუქტურაზე.
საგარეო საქმეთა სამინისტრომ ჰუსიტების საუდის არაბეთისადმი განხორციელებულ თავდასხმასთან დაკავშირებით წერილობითი განცხადება გაავრცელა.
განცხადებაში ნათქვამია: «მკაცრად ვგმობთ ჰუსიტების თავდასხმას, რომელიც მიმართული იყო მედინაში მდებარე მასჯიდ ალ-ნაბავის მომსახურებისთვის საჭირო სამოქალაქო ინფრასტრუქტურაზე. ეს პროვოკაციული თავდასხმები, რომლებიც ემუქრებიან საუდის არაბეთის სუვერენიტეტსა და უსაფრთხოებას და მიზნად ისახავენ ისლამური სამყაროს წმინდა ღირებულებების შელახვას, დაუყოვნებლივ და უპირობოდ უნდა შეწყდეს.»
განცხადებაში კიდევ ერთხელ გამოხატულია თურქეთის ძლიერი მხარდაჭერა საუდის არაბეთის მიმართ და იქვე ხაზგასმულია, რომ რეგიონში დაძაბულობის კიდევ უფრო გამწვავების გამომწვევი ნაბიჯები უნდა იქნას თავიდან აცილებული.
საუდის არაბეთის ხელმძღვანელობით მოქმედმა არაბულმა კოალიციამ გუშინ განაცხადა, რომ იემენელი ჰუსიტები სამი დღის წინ საუდის არაბეთის მედინა ქალაქში მდებარე თაიბეს ელექტროსადგურს უპილოტო საჰაერო აპარატით (დრონით) თავს დაესხნენ.
