თურქეთის რესპუბლიკის პრეზიდენტი ერდოღანი, რომელიც 13 მაისს ოფიციალური ვიზიტით ყაზახეთის დედაქალაქ ასტანაში ჩავიდა, შეხვედრებს განაგრძობს.
გუშინ, დამოუკიდებლობის სასახლეში ყაზახეთის პრეზიდენტ ყასიმ-ჟომართ თოყაევთან პირისპირ შეხვედრის შემდეგ, ერდოღანმა თურქეთ-ყაზახეთის მაღალი დონის სტრატეგიული თანამშრომლობის საბჭოს მეექვსე სხდომაში მიიღო მონაწილეობა.
ორმა ლიდერმა ერთობლივი პრესკონფერენცია გამართა, რის შემდეგაც მათ ერთად დახურეს თურქეთ-ყაზახეთის ბიზნესფორუმი.
ერდოღანი დილის საათებში ასტანიდან თურქესტანში გაემგზავრა თურქულ სახელმწიფოთა ორგანიზაციის არაფორმალურ სამიტზე დასასწრებად.
პრეზიდენტი ერდოღანი ნურსულთან ნაზარბაევის სახელობის საერთაშორისო აეროპორტიდან ყაზახეთის პრემიერ-მინისტრმა ოლჟას ბექტენოვმა, თურქეთის ელჩმა ასტანაში მუსტაფა კაპუჯუმ და სხვა ოფიციალურმა პირებმა გააცილეს.
პრეზიდენტი ერდოღანი მეუღლესთან, ემინე ერდოღანთან და თანმხლებ დელეგაციასთან ერთად თურქესტანში გაემგზავრა.
