თურქეთის დასავლეთით 6.1 მაგნიტუდის სიმძლავრის მიწისძვრა მოხდა
მიწისძვრა მოხდა ადგილობრივი დროით 22:48 საათზე (19:48 GMT), ჯერ-ჯერობით ინფორმაცია დაზარალებულების შესახებ არ არის.
თურქეთის კატასტროფებისა და საგანგებო სიტუაციების მართვის სამსახურის (AFAD) განცხადებით, ორშაბათს ღამით, თურქეთის ბალიქესირის პროვინციაში 6.1 მაგნიტუდის სიმძლავრის მიწისძვრა მოხდა. მიწისძვრის ბიძგები იგრძნობოდა სტამბოლსა და სხვა ქალაქებშიც.
მიწისძვრა ადგილობრივი დროით 22:48 საათზე (19:48 GMT) მოხდა. AFAD-მა განაცხადა, რომ მიწისძვრის სიღრმე 5.99 კილომეტრი იყო და ის მიმდებარე პროვინციებში, განსაკუთრებით სტამბოლში იგრძნობოდა.
ამ დროისთვის მომხდართან დაკავშირებით მსხვერპლის შესახებ ინფორმაცია არ გავრცელებულა.
ვიცე-პრეზიდენტმა ჯევდეთ ილმაზმა თურქულ სოციალურ მედია პლატფორმა NSosyal-ის მეშვეობით განაცხადა: „AFAD-მა და სხვა შესაბამისმა უწყებებმა დაიწყეს საველე ინსპექტირება და ანგარიშები ზედმიწევნით განიხილება“.