საუდის არაბეთის მეთაურობით მოქმედმა არაბულმა კოალიციამ განაცხადა, რომ საუდის არაბეთის ალ-ხარჯის პროვინციის მიმართულებით ჰუსიტების მიერ გაშვებული ფრთოსანი რაკეტა განეიტრალდა.
არაბული კოალიციის სპიკერმა, გენერალ-მაიორმა ტურქი ალ-მალიქიმ სოციალურ პლატფორმა X-ზე გავრცელებულ განცხადებაში აღნიშნა, რომ ჰუსიტებმა დედაქალაქ ერ-რიადის სამხრეთით მდებარე ალ-ხარჯის პროვინცია ფრთოსანი რაკეტით ამოიღეს მიზანში.
ტურქი ალ-მალიქიმ განაცხადა: „თავდაცვის სისტემებმა ტერორისტი ჰუსიტების მიერ გაშვებული რაკეტა ალ-ხარჯის პროვინციის ცაში დააფიქსირეს და გაანეიტრალეს“.
იმ ფონზე, როდესაც იემენში სამთავრობო ძალებსა და ჰუსიტებს შორის შეტაკებები ბოლო პერიოდში გახშირდა, ჰუსიტები, იმის მტკიცებით, რომ მათ თავს ესხმიან, საუდის არაბეთს ბალისტიკური რაკეტებითა და უპილოტო საფრენი აპარატებით მიზანში იღებენ.
იემენში სამოქალაქო ომი მიმდინარეობს, რომელიც მას შემდეგ დაიწყო, რაც ჰუსიტებმა 2014 წლის სექტემბერში დედაქალაქ სანასა და რამდენიმე პროვინციაზე დაამყარეს კონტროლი.
საუდის არაბეთის მეთაურობით მოქმედი არაბული კოალიცია 2015 წლის მარტიდან საერთაშორისო თანამეგობრობის მიერ აღიარებულ იემენის მთავრობას უჭერს მხარს.
