უკრაინელმა მაღალჩინოსანმა პარასკევს AFP-ს განუცხადა, რომ უკრაინელი მომლაპარაკებლები ამ კვირის ბოლოს აშშ-ში ვიზიტს გეგმავენ, რათა უკრაინაში ომის დასრულების თაობაზე ვაშინგტონის გეგმა განიხილონ.

წყარომ, რომელმაც საკითხის სენსიტიურობიდან გამომდინარე ვინაობის გამხელა არ ისურვა, განაცხადა: „დაგეგმილია, რომ დელეგაცია ამერიკულ მხარეს კვირის ბოლოს შეხვდეს“.

Bloomberg News-ის ცნობით, დელეგაციის შემადგენლობაში არიან უსაფრთხოების სამსახურის მაღალჩინოსანი რუსტემ უმეროვი და საგარეო საქმეთა მინისტრის პირველი მოადგილე სერგეი კისლიცა. მოსალოდნელია, რომ ისინი აშშ-ის სპეციალურ წარმომადგენელ სტივ ვიტკოფსა და თეთრი სახლის ყოფილ მრჩეველ ჯარედ კუშნერს შეხვდებიან.

აღინიშნა, რომ შეხვედრები შესაძლოა ფლორიდაში გაიმართოს.

აღნიშნულმა ოფიციალურმა პირმა ასევე განაცხადა, რომ თავდაპირველად შეხვედრებში მონაწილეობა უკრაინის პრეზიდენტ ვოლოდიმირ ზელენსკის ყოფილ მთავარ მრჩეველს, ანდრიი ერმაკსაც უნდა მიეღო, თუმცა პარასკევს ერმაკმა თანამდებობიდან გათავისუფლების შესახებ განაცხადა.