ᲗᲣᲠᲥᲔᲗᲘ
კითხვის დრო 2 წუთი
ერდოღანი: ჩვენ უარვყოფთ სამხედრო მოქმედებებს თეირანის წინააღმდეგ
ერდოღანი: ჩვენ უარვყოფთ სამხედრო მოქმედებებს თეირანის წინააღმდეგ; მზად ვართ შუამავლობისთვის ირანსა და აშშ-ს შორის
ერდოღანი: ჩვენ უარვყოფთ სამხედრო მოქმედებებს თეირანის წინააღმდეგ
ერდოღანი: ჩვენ უარვყოფთ სამხედრო მოქმედებებს თეირანის წინააღმდეგ / AA

თურქეთის რესპუბლიკის პრეზიდენტმა რეჯეფ თაიფ ერდოღანმა განაცხადა, რომ ანკარა მზად არის იკისროს შუამავლის როლი ირანსა და აშშ-ს შორის დაძაბულობის შესამცირებლად. მან ხაზგასმით აღნიშნა, რომ ანკარა უარყოფს ნებისმიერ სამხედრო ოპერაციას თეირანის წინააღმდეგ.

საუდის არაბეთში ვიზიტის დროს, გაზეთ „აშ-შარქ ალ-ავსათთან“ (Asharq Al-Awsat) ინტერვიუში ერდოღანმა განაცხადა: „ჩვენ ვადასტურებთ მზადყოფნას, ვიკისროთ შუამავლობა ირანსა და აშშ-ს შორის დაძაბულობის განმუხტვისა და პრობლემების გადაჭრის მიზნით“.

პრეზიდენტმა ხაზი გაუსვა, რომ თურქეთს არ სურს რეგიონი გახდეს „ახალი ომის ან ნგრევის ახალი ტალღის“ მომსწრე.

„ჩვენ ყველა პლატფორმაზე განვაცხადეთ, რომ უარვყოფთ ნებისმიერ სამხედრო ჩარევას ირანის წინააღმდეგ. ჩვენს თანამოსაუბრეებს მოვუწოდებთ, თავი აარიდონ ყოველგვარ ნაბიჯს, რომელიც დაძაბულობის ესკალაციას გამოიწვევს“, - აღნიშნა ერდოღანმა.

რეგიონული უსაფრთხოების მექანიზმების შექმნა

პრეზიდენტმა ერდოღანმა მოუწოდა რეგიონული უსაფრთხოების მექანიზმების ჩამოყალიბებისკენ, რათა „კრიზისები მათ დაწყებამდე იქნას აღკვეთილი“.

„ის, რაც ჩვენს რეგიონს სჭირდება, არ არის ახალი დაყოფა, არამედ თანამშრომლობის საფუძველი, რომელიც დაფუძნებული იქნება საერთო გონიერებასა და საერთო პასუხისმგებლობაზე“, - თქვა ერდოღანმა.

პრეზიდენტმა ასევე დასძინა: „ჩვენი მიზანია არა კონფლიქტის მართვა, არამედ დიპლომატიური დიალოგის საფუძვლის გაძლიერებით კონფლიქტის თავიდან აცილება მის დაწყებამდე. ამიტომ გვჯერა, რომ რეგიონული უსაფრთხოების მექანიზმების შექმნა ხელს შეუწყობს კრიზისების აღკვეთას ჯერ კიდევ მათ ჩანასახში“.

ერდოღანის თქმით, გრძელდება კონტაქტები მეგობარ ქვეყნებთან, პირველ რიგში საუდის არაბეთთან და პაკისტანთან. მან აღნიშნა, რომ ამ საკითხს არ უდგებიან ბლოკური ან ალიანსური ლოგიკით: „ეს მიდგომა წარმოადგენს იმ საკონსულტაციო და საკოორდინაციო ინიციატივების ძირითად ხედვას, რომლებსაც ჩვენ რეგიონის ქვეყნებთან ვახორციელებთ“.

პრეზიდენტმა ხაზგასმით აღნიშნა, რომ წარსულმა გამოცდილებამ აჩვენა, რომ რეგიონის ისტორიის, იდენტობისა და რეალობის გაუთვალისწინებლად თავსმოხვეულ სცენარებს მხოლოდ „მეტი ტკივილი და ტრაგედია“ მოჰყვება. მან მაგალითად ღაზაში, ერაყში, სირიასა და ავღანეთში მიმდინარე კონფლიქტები დაასახელა.

აღმოაჩინეთ
TRT-ის გენერალურმა დირექტორმა სობაჯიმ „TRT World ფორუმ 2026-ზე“ სიტყვით მიმართა დამსწრეებს
საგარეო საქმეთა მინისტრმა ფიდანმა „მექის თავდაცვის ალიანსი“ შეაფასა
TRT World ფორუმი დაიწყო: გლობალური სისტემის მომავალი სტამბოლში განიხილება
თურქეთის თავდაცვისა და საავიაციო მრეწველობამ საექსპორტო წარმატება გაამყარა
რუბიომ უარყო მტკიცება, რომ პოსტს დატოვებას და თეთრი სახლისთვის კანდიდატურის წამოყენებას გეგმავს
ოთხი ქვეყნის დაგმობა ჰუსიტების მხრიდან სარაკეტო თავდასხმის მცდელობის გამო
ისრაელის პრეზიდენტის თქმით, ტრამპის მიერ დახმარების შეწყვეტის შემდეგ „თავზარდაცემული დარჩა"
აშშ-მა კუბის არმიისა და ენერგომომარაგების ქსელების წინააღმდეგ ახალი სანქციები გამოაცხადა
საფრანგეთში ბოლო წლების ყველაზე დიდი აქცია: ასობით ათასი ადამიანი ქუჩაში გამოვიდა
ნატო-უკრაინის საბჭო ბრიუსელში საგანგებოდ შეიკრიბა
პრეზიდენტი ერდოღანი: „8 ნოემბერს აზერბაიჯანში ვიზიტს ვგეგმავ“
საბერძნეთში მოსწავლეები, სტუდენტები და მასწავლებლები კვლავ ქუჩაში გამოვიდნენ
საფრანგეთში საყოველთაო გაფიცვის წინ მთავრობა მზადყოფნაშია
ზელენსკიმ ტრამპის წარმომადგენლებთან, კუშნერთან და უიტკოფთან, სატელეფონო საუბარი გამართა
მინისტრი ჩიფჩი: „იტალიასთან უსაფრთხოების სფეროში თანამშრომლობის კიდევ უფრო გაღრმავებას ვგეგმავთ“