სოფიაში ვიზიტით მყოფმა ჰაქან ფიდანმა ველისლავა პეტროვა-ჩამოვასთან გამართულ პრესკონფერენციაზე ირანსა და აშშ-ს შორის მიმდინარე მოლაპარაკებებსაც შეეხო. მინისტრმა აღნიშნა, რომ არსებობს საერთო მოლოდინი იმისა, რომ მხარეები შეთანხმებას მიაღწევენ.
ფიდანმა განაცხადა, რომ ისინი მხარეებთან მუდმივ კონტაქტზე არიან, თუმცა ორი დღის წინ დაწყებული ორმხრივი თავდასხმები ესკალაციის რისკს შეიცავს: „ეს ჩვენ ნამდვილად გვაშფოთებს. ვურჩევთ მხარეებს, რაც შეიძლება მალე შეწყვიტონ ორმხრივი იერიშები, დაუბრუნდნენ მოლაპარაკებების მაგიდას და დაასრულონ ის ტექსტი, რომლის მომზადებაც თითქმის ფინალურ ეტაპზეა. ჩვენი მუშაობა და ძალისხმევაც სწორედ ამ მიმართულებითაა მიმართული“.
მინისტრმა ხაზგასმით აღნიშნა, რომ ომის ესკალაცია, დაძაბულობის მატება და კვლავ სრულმასშტაბიანი ომის გარემოში დაბრუნება არავისთვისაა სასარგებლო: „რაც არ უნდა რთული და დამქანცველი იყოს, მოლაპარაკებების საბოლოო წერტილამდე მიყვანა მთავარი მიზანი უნდა იყოს, მათ ეს პროცესი უნდა დაასრულონ. ჩვენი რეკომენდაციაც სწორედ ასეთია“, - განაცხადა მან.
