ადგილობრივი მედიის ცნობით, ტეხასის ქალაქ პორტ-ართურში მდებარე Valero-ს ნავთობგადამამუშავებელ ქარხანაში აფეთქება მოხდა, რასაც დიდი ხანძარი მოჰყვა.
შემთხვევის ადგილზე მომუშავე საგანგებო სამსახურების გამო, პორტ-ართურის დასავლეთ ნაწილის მოსახლეობისთვის თავშესაფრებში დარჩენის განკარგულება გაიცა.
აფეთქების შემდეგ ცაში სქელი შავი კვამლი და ალი აიჭრა. კადრებში ჩანს, რომ შემთხვევის ადგილზე ძლიერი ხანძარია.
ნავთობგადამამუშავებელი ქარხანა, რომლის სიმძლავრეც დღეში 335 000 ბარელზე მეტია, ამერიკის შეერთებულ შტატებში ერთ-ერთი უდიდესია.
შემთხვევის ადგილზე საგანგებო სამსახურებია მობილიზებული და ამ დრომდე დაშავებულების შესახებ ინფორმაცია არ გავრცელებულა.
აფეთქების მიზეზი ჯერჯერობით უცნობია.
