უკრაინის საგანგებო სიტუაციების სახელმწიფო სამსახურის (DSNS) ცნობით, რუსეთის არმიის მიერ ღამით განხორციელებულ საჰაერო თავდასხმას 8 ადამიანი ემსხვერპლა, ხოლო 22 დაშავდა.
DSNS-ის წერილობით განცხადებაში აღნიშნულია, რომ რუსეთის არმიამ ღამით დედაქალაქ კიევზე საჰაერო იერიში მიიტანა.
განცხადებაში, რომლის თანახმადაც თავდასხმის შედეგად 2 ადამიანი დაიღუპა და 8 დაშავდა, ნათქვამია: „კიევში ღამის დაბომბვის შედეგად 50-ზე მეტი სამოქალაქო ობიექტი დაზიანდა: საცხოვრებელი სახლები, საფოსტო განყოფილებები, სამშობიარო სახლი და ტექსტილის საწარმო“.
განცხადებაში ასევე აღნიშნულია, რომ ხარკივის ოლქში ერთ-ერთ ფერმაზე განხორციელებული თავდასხმის შედეგად 6 ადამიანი დაიღუპა და 12 დაშავდა.
ოდესის ოლქზე თავდასხმის შედეგად კი 2 ადამიანი დაშავდა.
უკრაინის შეიარაღებული ძალების საჰაერო ძალების სარდლობის მიერ გავრცელებულ განცხადებაში კი ნათქვამია, რომ განეიტრალებულია 7 რაკეტა და სხვადასხვა ტიპის 220 უპილოტო საფრენი აპარატი (დრონი).
