კიევის მერის, ვიტალი კლიჩკოს განცხადებით, უკრაინის დედაქალაქზე განხორციელებული რუსული თავდასხმების შედეგად, სულ მცირე, ოთხი ადამიანი დაიღუპა და 10 დაშავდა.

მერმა კლიჩკომ Telegram-ის არხზე გამოქვეყნებულ პოსტში აღნიშნა: „დედაქალაქში ოთხი ადამიანი დაიღუპა. 10 დაშავდა. მათგან ხუთი ჰოსპიტალიზებულია, სხვებს კი დახმარება ადგილზე გაეწიათ“.

რუსეთმა ღამის განმავლობაში უკრაინის სხვა ქალაქებზეც მიიტანა იერიში. სამიზნე ქალაქებიდან ერთ-ერთში, აღმოსავლეთით მდებარე ხარკოვში, თავდასხმასთან დაკავშირებული ცნობები ჯერჯერობით არ დასტურდება.

უკრაინის საჰაერო ძალებმა კი განცხადება გაავრცელეს: „მტრის მოიერიშე უპილოტო საფრენი აპარატების მასშტაბური შეტევა კიევზე გრძელდება!“

საჰაერო ძალებმა დაადასტურეს, რომ „მთელი უკრაინა“ „სარაკეტო საფრთხის“ ქვეშაა.“