ამერიკის შეერთებული შტატების პრეზიდენტმა დონალდ ტრამპმა განაცხადა, რომ შეთანხმების ჩარჩოზე შეთანხმება მიღწეულია და ირანზე დაგეგმილი თავდასხმა გააუქმა. ტრამპმა აღნიშნა, რომ მისი გადაწყვეტილება დამოკიდებულია მოკლე დროში საბოლოო შეთანხმების მიღწევის პირობაზე.

Truth Social-ის საკუთარ ანგარიშზე გავრცელებულ განცხადებაში ტრამპმა აღნიშნა, რომ აშშ მზად იყო ირანზე თავდასხმისთვის, თუმცა ირანმა და ახლო აღმოსავლეთის სხვა ქვეყნებმა თავდასხმის გადადება ითხოვეს.

ტრამპმა განმარტა, რომ შეთანხმება მოიცავს ჰორმუზის სრუტის „დაუყოვნებლივ, სრულად და მთლიანად“ გახსნას და „ირანის ბირთვული საფრთხის დასრულებას“.

„ამ თხოვნის საფუძველზე, მსოფლიოს მომავალი საკეთილდღეოდ და ასევე წარმატებული და აყვავებული ირანის არსებობის შესანარჩუნებლად, მე დავთანხმდი თავდასხმის გაუქმებას იმ პირობით, რომ მოკლე დროში შეთანხმებას მივაღწევთ“, — განაცხადა ტრამპმა.

ტრამპის თქმით, ამ ვალდებულებას ისრაელიც შეუერთდა. მან ასევე დასძინა, რომ თავდასხმის შეჩერების გადაწყვეტილებამდე აშშ ირანის წინააღმდეგ „სრულ მზადყოფნაში და მოქმედებისთვის გამზადებული“ იყო.