თურქეთის რესპუბლიკის შინაგან საქმეთა სამინისტროს კატასტროფებისა და საგანგებო სიტუაციების მართვის სამმართველომ (AFAD) განაცხადა, რომ ხმელთაშუა ზღვაში 5.8 მაგნიტუდის მიწისძვრა მოხდა.

გავრცელებული ინფორმაციით, მიწისძვრა, რომელიც თურქეთის სამხრეთ-დასავლეთით, მუღლის პროვინციის მარმარისის რაიონის სანაპიროდან 10.43 კილომეტრის მოშორებით, ღია ზღვაში მოხდა, 67.91 კილომეტრის სიღრმეზე დაფიქსირდა.

მუღლის გუბერნატორმა, იდრის აქბიიქმა, განაცხადა, რომ ადგილზე სიტუაციის შესწავლა გრძელდება.

აქბიიქმა X პლატფორმაზე დაწერა, რომ ამ დროისთვის რაიმე „უარყოფითი“ შემთხვევის შესახებ შეტყობინება არ მიუღიათ და არც სერიოზული ზიანის შესახებ არსებობს ინფორმაცია.