ირანის საგარეო საქმეთა მინისტრმა აბას არაღჩიმ განაცხადა, რომ აშშ-ის ოფიციალურ პირებთან შეხვედრის არანაირი გეგმა არ აქვთ და ამ თემაზე გავრცელებული ცნობები სიმართლეს არ შეესაბამება.
ირანის ოფიციალური საინფორმაციო სააგენტო IRNA-ს ცნობით, არაღჩიმ კომენტარი გააკეთა ამერიკელ მაღალჩინოსნებთან მოლაპარაკებების გამართვის შესახებ გავრცელებულ მტკიცებებზე, აგრეთვე წერილზე, რომელიც, გავრცელებული ინფორმაციით, აშშ-ის ვიცე-პრეზიდენტმა ჯეი დი ვენსმა სამშვიდობო მოლაპარაკებების განახლების მიზნით ირანის უსაფრთხოების საკითხებში მაღალი რანგის წარმომადგენელს, მოჰსენ რეზაის გაუგზავნა.
არაღჩიმ აღნიშნა, რომ ვენსის მიერ გამოგზავნილი წერილი ყურადღებით შეისწავლეს და საკითხი შესაბამის უწყებებში განიხილეს. ამასთან, მან ხაზგასმით განაცხადა, რომ ამერიკელ ოფიციალურ პირებთან რაიმე სახის შეხვედრა დაგეგმილი არ არის და ამ მიმართულებით გავრცელებული ცნობები სინამდვილეს არ შეესაბამება.
