ANI სააგენტოს ინფორმაციით, რომელიც გარჰვალის რეგიონის კომისარ ვინაი შანკარ პანდეის ეყრდნობა, ინდოეთის ჩრდილოეთით მდებარე ქალაქ ჰარიდვარში, მანსა დევის ტაძარში მომლოცველთა დიდი რაოდენობის გამო ჭყლეტაში სულ მცირე ექვსი ადამიანი დაიღუპა.
ინდოეთის ჩრდილოეთით მდებარე უტარაკჰანდის შტატის მთავრობის მეთაურმა სოციალურ ქსელ X-ზე გაზიარებულ პოსტში განაცხადა, რომ ადგილობრივი პოლიცია და სხვა სამაშველო ჯგუფები შემთხვევის ადგილზე მივიდნენ და დაიწყეს დახმარებისა და სამაშველო სამუშაოები.
კვირას გამოქვეყნებული ANI-ს ინფორმაციით, დაშავებულები ადგილობრივ საავადმყოფოში გადაიყვანეს.
ინდოეთში ჭყლეტის შედეგად გამოწვეული შემთხვევები წარსულშიც ხშირი იყო. იანვარში, მაჰა კუმბჰუს ინდუისტური ფესტივალის დროს, წმინდა წყლებში დასაბანად შეკრებილი მილიონობით ადამიანის ჭყლეტაში სულ მცირე 30 ადამიანი დაიღუპა.
ხოლო ივნისში, ინდოეთის კრიკეტის სტადიონის გარეთ მომხდარ ჭყლეტაში სულ მცირე 11 ადამიანი დაიღუპა.
