პოლიციის ოფიციალური პირის განცხადებით, პარასკევს ბანგლადეშში მომხდარმა 5,7 მაგნიტუდის სიმძლავრის მიწისძვრამ დედაქალაქ დაკაში სულ მცირე სამი ადამიანი იმსხვერპლა.
აღნიშნული სამი ადამიანი ბანგშალის რაიონში ხუთსართულიანი შენობის მოაჯირების ჩამონგრევის შედეგად დაიღუპა.
ბანგშალის პოლიციის განყოფილების ოფიცერმა აშიშ ბოსემ სააგენტო “ანადოლუ”-ს დაუდასტურა, რომ ინციდენტის შედეგად სამი ადამიანი დაიღუპა.
ადგილობრივი სახანძრო სამსახურის ცნობით, მათ დაკაში და მის გარეთ მიწისძვრის შედეგად დაზიანებული შვიდი შენობა დააფიქსირეს, რის შედეგადაც სულ მცირე ერთი ადამიანი დაშავდა.
მიწისძვრა ადგილობრივი დროით 10:38 საათზე (04:38 GMT) მოხდა, ხოლო ბანგლადეშის მეტეოროლოგიური სამსახურის ცნობით, ეპიცენტრი დედაქალაქ დაკადან დაახლოებით 50 კილომეტრით ჩრდილო-აღმოსავლეთით, ნარსინგდის რაიონში იყო.
მიუხედავად იმისა, რომ მიწისძვრა მხოლოდ რამდენიმე წამს გაგრძელდა, რყევების გამო დაკას მაცხოვრებლები შენობებიდან და სახლებიდან გარეთ გამოვარდნენ და ქუჩებში უსაფრთხო ადგილის პოვნას ცდილობდნენ.
