ამერიკელმა ოფიციალურმა პირმა CNN-თან საუბარში განაცხადა, რომ რეტკლიფმა გუშინ ღამით მოსკოვში „წინასწარ გამოუცხადებელი ვიზიტი“ გამართა.
ოფიციალურმა პირმა უარი თქვა ინფორმაციის მიწოდებაზე აქ რეტკლიფის დაგეგმილი შეხვედრების შინაარსის ან განსახილველი საკითხების შესახებ.
ინფორმაციაში აღნიშნულია: „ეს ვიზიტი იყო რეტკლიფის პირველი ცნობილი მოგზაურობა მოსკოვში პრეზიდენტ დონალდ ტრამპის მმართველობის პერიოდში. ვიზიტი განხორციელდა იმ დროს, როდესაც რუსეთსა და უკრაინას შორის ომის დასასრულებლად გამართული მოლაპარაკებები ჩიხში შევიდა.“
საკითხთან დაკავშირებით CIA-ს ჯერჯერობით რაიმე განცხადება არ გაუკეთებია, ხოლო ამერიკული მედია იუწყება, რომ უწყება ინფორმაციის გაზიარებას „თავს არიდებს“.
სამხედრო-სატრანსპორტო თვითმფრინავი მოსკოვის ვნუკოვოს საერთაშორისო აეროპორტში დაჯდა
ფრენების თვალთვალის ვებგვერდ Flightradar24-ის თანახმად, ამერიკული Boeing C-17 Globemaster III ტიპის სამხედრო-სატრანსპორტო თვითმფრინავი რუსეთის დედაქალაქ მოსკოვში, ვნუკოვოს საერთაშორისო აეროპორტში დაეშვა.
ვებგვერდზე ჩანს, რომ თვითმფრინავი მერილენდში მდებარე ენდრიუსის გაერთიანებული ბაზიდან აფრინდა.
