თურქეთის პრეზიდენტმა რეჯეფ თაიფ ერდოღანმა პაკისტანის პრემიერ-მინისტრ შაჰბაზ შარიფთან სატელეფონო საუბარი გამართა. ერდოღანმა განაცხადა, რომ თურქეთი „მზად არის, ყველაფერი გააკეთოს“, რათა თავიდან იქნას აცილებული ინდოეთსა და პაკისტანს შორის დაძაბულობის შემდგომი ესკალაცია.
პრეზიდენტის კომუნიკაციების დეპარტამენტის განცხადების თანახმად, ოთხშაბათს გამართულ ერდოღან-შარიფის საუბარისას ინდოეთსა და პაკისტანს შორის დაძაბულობა, 6 მაისის ღამეს მომხდარი თავდასხმა და ბოლო მოვლენები განიხილეს.
განცხადებაში ნათქვამია: „ერდოღანმა, რომელმაც პაკისტანთან თურქეთის სოლიდარობა გამოხატა, თავდასხმისას დაღუპული პაკისტანელების გამო მწუხარება გამოთქვა და დაშავებულებს მალე გამოჯანმრთელება უსურვა“.
ერდოღანმა აღნიშნა, რომ ანკარა მხარს უჭერს ამ პროცესში პაკისტანის ცივ და ზომიერ პოლიტიკას.
თურქეთის პრეზიდენტმა მიზანშეწონილად მიიჩნია პაკისტანის წინადადება, 22 აპრილს ჯამუ-ქაშმირში მომხდარ ტერაქტთან დაკავშირებით მიუკერძოებელი, გამჭვირვალე და სანდო საერთაშორისო გამოძიება ჩატარდეს.
ისლამაბადმა ოთხშაბათს გაკეთებულ განცხადებაში აღნიშნა, რომ ინდოეთის მიერ პაკისტანსა და ქაშმირის პაკისტანის მიერ ადმინისტრირებულ ნაწილში ჩატარებული „სინდურის ოპერაციის“ დროს სულ მცირე 26 მშვიდობიანი მოქალაქე დაიღუპა და 46 ადამიანი დაშავდა.
ნიუ-დელიმ კი განაცხადა, რომ სამიზნეს პაკისტანში „ტერორისტული ინფრასტრუქტურა“ წარმოადგენდა.
