ადგილობრივი მედიის ოთხშაბათის ცნობით, ფილიპინებში, მჭიდროდ დასახლებულ უბანში გაჩენილმა ძლიერმა ხანძარმა ათობით სახლი გაანადგურა და 300-ზე მეტი ადამიანი უსახლკაროდ დატოვა.
გამოცემა „Philippines Daily Inquirer“-ის ინფორმაციით, რომელიც ქალაქის სოციალური მომსახურებისა და განვითარების დეპარტამენტის ხელმძღვანელზე, რიჩელ ვერდეპრადო-მანგაზე დაყრდნობით გავრცელდა, ხანძარი სამშაბათს გვიან ღამით ქალაქ ბაკოლოდის ბარანგაის (Barangay) რაიონში გაჩნდა და პუროკ რამონ მაგსაისაი დავისის მცხოვრებლები დააზარალა.
სულ მცირე 103 ოჯახი და ჯამში 307 ადამიანი იძულებული გახდა სახლები დაეტოვებინა.
პირველადი შეფასებით, 27 სახლი მთლიანად განადგურდა, ხოლო 10 დაზიანდა; თუმცა ხელისუფლება შიშობს, რომ სამუშაოების გაგრძელებასთან ერთად ეს რიცხვი შესაძლოა გაიზარდოს.
სტიქიით დაზარალებული ოჯახების დასახმარებლად მობილიზებულია საგანგებო რეაგირების ჯგუფები, ხოლო ოჯახების უმეტესობა დროებით ევაკუაციის ცენტრებშია განთავსებული.
