საგარეო საქმეთა მინისტრმა ფიდანმა NSosyal-ის საკუთარ ანგარიშზე გამოაქვეყნა პოსტი სტამბოლში გამართულ R4-ის (თურქეთი, ეგვიპტე, პაკისტანი, საუდის არაბეთი) და იტალიის მონაწილეობით ჩატარებულ R4+E3-ის (დიდი ბრიტანეთი, გერმანია, საფრანგეთი) საგარეო საქმეთა მინისტრების შეხვედრებთან დაკავშირებით.
მინისტრმა ფიდანმა აღნიშნა, რომ სტამბოლში პაკისტანელ, საუდელ და ეგვიპტელ კოლეგებთან გამართული R4-ის შეხვედრის შემდეგ, გაერთიანებული სამეფოს, საფრანგეთის, გერმანიისა და იტალიის საგარეო საქმეთა მინისტრების მონაწილეობით უმასპინძლეს მნიშვნელოვან ღონისძიებას, რომელმაც 8 ქვეყანა გააერთიანა.
მინისტრმა ფიდანმა აღნიშნა, რომ შეხვედრაზე განიხილეს ახლო აღმოსავლეთისა და ევროპის ურთიერთდაკავშირებული ყველა პრობლემა და კონფლიქტი, და ხაზი გაუსვა, რომ შეთანხმდნენ უთანხმოებების მოგვარებაზე რეგიონული პასუხისმგებლობის გაცნობიერების საფუძველზე, დიალოგისა და დიპლომატიის გზით.
მინისტრმა ფიდანმა მადლობა გადაუხადა შეხვედრაში მონაწილე კოლეგებს და განაცხადა:
„ვიმედოვნებთ, რომ ჩვენ მიერ ინიცირებული ეს წამოწყება უწყვეტ ხასიათს მიიღებს და წვლილს შეიტანს მშვიდობასა და სტაბილურობაში ჩვენს რეგიონსა და მის ფარგლებს გარეთ. თურქეთი, ორ გეოგრაფიულ არეალს შორის თავისი ცენტრალური მდებარეობით, კვლავაც გააგრძელებს პასუხისმგებლობის აღებას რეგიონული საკითხების გადაჭრაში“.
