რუსეთ-უკრაინის ომის გამო 2022 წელს თურქეთში ჩამოყვანილი და გასულ თვეს ბითლისის რაიონ აჰლათში დასახლებული ახალციხელი თურქები, თურქეთის რესპუბლიკის მოქალაქეების სტატუსით, რაიონში მშვიდობიანად და უსაფრთხოდ აგრძელებენ ცხოვრებას.
თურქი მესხები, რომლებიც 1944 წელს საკუთარი მიწა-წყლიდან სხვადასხვა ქვეყანაში იყვნენ დეპორტირებულნი, 2022 წელს პრეზიდენტ რეჯეფ თაიფ ერდოღანის განკარგულებით უკრაინიდან გამოიყვანეს. ისინი თავდაპირველად ელაზიღის დროებით საცხოვრებელ ცენტრებში დაასახლეს, შემდეგ კი მათთვის აჰლათის თუნუსის უბანში 371 საცხოვრებელი სახლი აშენდა.
გასულ თვეს გასაღებები გადაეცათ იმ ოჯახებს, რომლებიც ახალ საცხოვრებელში დასახლდნენ და საჭირო პროცედურების გავლის შემდეგ, თურქეთის რესპუბლიკის პირადობის მოწმობებიც ჩაიბარეს.
მრავალწლიანი მიგრაციისა და დევნილობის შედეგად მძიმე დღეები გამოვლილი ოჯახები, ახლა მათთვის შექმნილ ახალ დასახლებაში მშვიდობითა და უსაფრთხოდ აგრძელებენ ცხოვრებას.
ახალციხელი თურქები რთული წლების შემდეგ, როგორც საკუთარი სახლების პოვნის, ისე თურქეთის რესპუბლიკის მოქალაქეობის მიღების სიხარულს იზიარებენ.
