აშშ-ის პრეზიდენტმა დონალდ ტრამპმა განაცხადა, რომ პალესტინის წინააღმდეგობის ორგანიზაცია ჰამასი 13 ოქტომბერს ღაზაში მყოფ ყველა ისრაელელ მძევალს გაათავისუფლებს.
ტრამპმა ოთხშაბათს ისრაელელ მძევლების ოჯახებთან სატელეფონო საუბარი გამართა, ისრაელსა და ჰამასს შორის ღაზაში ცეცხლის შეწყვეტის გამოცხადების შემდეგ.
მძევლების ახლობლებმა მადლობა გადაუხადეს ტრამპს შეთანხმების მიღწევისთვის გაწეული ძალისხმევისთვის.
საუბრის დროს ტრამპმა თქვა, რომ ყველა ისრაელელი მძევალი ორშაბათს გათავისუფლდება.
აშშ-ის პრეზიდენტმა X-ის პლატფორმაზე გაზიარებულ პოსტში ხაზი გაუსვა, რომ "ყველა" ისრაელელი მძევალი გათავისუფლდება.
თუმცა, ტრამპს არ გაუკეთებია განცხადება იმის შესახებ, იქნებოდა თუ არა გათავისუფლებულთა შორის გარდაცვლილი ტყვეების ცხედრები.
ტრამპმა მანამდე გამოაცხადა, რომ ისრაელმა და ჰამასმა მიიღეს აშშ-ის მიერ შემოთავაზებული ღაზის შეთანხმების პირველი ეტაპი.
20-პუნქტიანი გეგმა, რომელიც პირველად 29 სექტემბერს გამოცხადდა, მოიცავს ყველა ისრაელელი მძევლის პალესტინელ პატიმრებზე გაცვლას, ცეცხლის შეწყვეტის განხორციელებას, ჰამასის განიარაღებას და ღაზის ხელახლა აშენებას.
2023 წლის ოქტომბრიდან ისრაელის თავდასხმებმა ღაზაში დაახლოებით 67 200 პალესტინელის სიცოცხლე შეიწირა, რომელთა უმეტესობა ქალები და ბავშვები არიან.
ისრაელის უწყვეტმა დაბომბვებმა ღაზა საცხოვრებლად გამოუსადეგარი გახადა და შიმშილისა და ავადმყოფობის გავრცელება გამოიწვია.
