მომლოცველები არაფატის მთაზე შეიკრიბნენ (ვაყფა), რის შემდეგაც ავტობუსებით მუზდალიფაში გადავიდნენ. იქ მათ ილოცეს, შეასრულეს ვაყფას ლოცვა და შეაგროვეს ქვები „ეშმაკის ჩაქოლვის“ რიტუალისთვის.
შუაღამის შემდეგ, მომლოცველთა ჯგუფებმა ფეხით გაიარეს დაახლოებით 3,5 კილომეტრიანი გზა ჯამარატამდე, სადაც „აკაბა ჯამრას“ (ე.წ. დიდ ეშმაკს) 7 ქვა ესროლეს.
„ეშმაკის ჩაქოლვის“ შემდეგ მათ კვლავ ფეხით მიაღწიეს ქაბასთან, სადაც შეასრულეს სავალდებულო შემოვლა (ტავაფი) და საი (საფასა და მარვას ბორცვებს შორის სიარული). თმის შეჭრის შემდეგ მათ დატოვეს იჰრამის მდგომარეობა (სპეციალური სამოსი და წესები).
ამგვარად, მუსლიმებმა შეასრულეს თავიანთი რელიგიური მოვალეობა და ჰაჯის წოდება მიიღეს. ზოგიერთი მომლოცველი, რომელმაც უკვე დატოვა იჰრამის მდგომარეობა, ტავაფსა და საის დღესასწაულის განმავლობაში შეასრულებს.
პერსონალი და ქველმოქმედები მომლოცველებს უმასპინძლდებოდნენ
არაფატიდან ქაბამდე მიმავალ გზაზე მომლოცველებს როგორც პერსონალი, ისე ქველმოქმედები წყლით, ფინიკითა და საკვებით უმასპინძლდებოდნენ.
მომლოცველები „ეშმაკის ჩაქოლვას“ დღესასწაულის მეორე და მესამე დღესაც გააგრძელებენ. ჯამარატის რაიონში მომლოცველები მუზდალიფაში შეგროვებულ შვიდ-შვიდ ქვას დღესასწაულის მეორე და მესამე დღეს რიგრიგობით ესვრიან მცირე, საშუალო და დიდ ეშმაკებს.
„ეშმაკის ჩაქოლვის“ შემდეგ, მექიდან წასვლამდე, მომლოცველები ქაბაში მივლენ და გამოსამშვიდობებელ ტავაფს შეასრულებენ.
