სამხედრო-საზღვაო და საჰაერო ძალებმა, საზღვაო უსაფრთხოების უზრუნველყოფის, გემების გატაცებისა და „მტრული სახელმწიფოების სხვა უკანონო ქმედებების“ აღკვეთის მიზნით, ასევე ერთობლივი ოპერატიული წვრთნები ჩაატარეს.
რუსეთმა განაცხადა, რომ ბალტიის ზღვაში, ბალტიისა და ჩრდილოეთის ფლოტების მონაწილეობით და ავიაციის მხარდაჭერით, საზღვაო წვრთნებს ატარებს.
თავდაცვის სამინისტროს მიერ გავრცელებულ განცხადებაში აღნიშნულია, რომ სამხედრო-საზღვაო ძალებმა პირობითი მოწინააღმდეგის ფლოტზე თავდასხმა ივარჯიშეს, თუმცა წვრთნების დაწყებისა და დასრულების თარიღები არ დაკონკრეტებულა.
განცხადების თანახმად, ჩრდილოეთის ფლოტის კუთვნილმა ფრეგატმა „ადმირალ კასატონოვმა“, რომელიც „ცირკონის“ ჰიპერბგერითი ფრთოსანი რაკეტების მატარებელია, ბალტიის ფლოტის გემებთან ერთად ელექტრონული გაშვებები განახორციელა.
სამინისტროს ცნობით, „ანტიტერორისტულმა ჯგუფებმა ტერორისტების მიერ დატყვევებული გემების დათვალიერება და გათავისუფლება ივარჯიშეს“.
სამხედრო-საზღვაო და საჰაერო ძალებმა საზღვაო უსაფრთხოების უზრუნველყოფის, გემების გატაცების აღკვეთისა და „მტრული სახელმწიფოების უკანონო ქმედებების“ წინააღმდეგ ერთობლივი ოპერაციები ჩაატარეს. ასევე, სუ-27 ტიპის გამანადგურებლების ეკიპაჟებმა პირობითი მოწინააღმდეგის თვითმფრინავებთან იმიტირებული საჰაერო ბრძოლები გამართეს და ვირტუალური სარაკეტო გაშვებები განახორციელეს.
