საავიაციო, კოსმოსური და ტექნოლოგიური ფესტივალი (TEKNOFEST) შანლიურფას GAP-ის აეროპორტში გრძელდება.

მრავალი სანახაობრივი ღონისძიების მასპინძელ ფესტივალზე თურქეთის ხალხური ცეკვების ფედერაციის საჩვენებელი ანსამბლი TEKNOFEST-ის დამთვალიერებლებისთვის ქვეყნის სხვადასხვა რეგიონის ხალხურ ცეკვებს შეასრულებს.

მასშტაბური ღონისძიება, რომელიც მოიცავს ყველა ასაკის მონაწილეზე გათვლილ აქტივობებს — მოწინავე ტექნოლოგიური სიმულაციებიდან დაწყებული სამეცნიერო ვორქშოფებითა და გამოფენებით დამთავრებული — ასევე საავიაციო და თავდაცვითი მრეწველობის საჰაერო შოუებს უმასპინძლებს.

ფესტივალი 4 ოქტომბრამდე გაგრძელდება

დღეს ფესტივალზე თურქეთის სამხედრო-საჰაერო ძალების საჩვენებელი ჯგუფი SOLOTÜRK-ი საჩვენებელ ფრენას განახორციელებს.

გარდა ამისა, ფესტივალზე დამთვალიერებლებს შესაძლებლობა ექნებათ იხილონ სასცენო წარმოდგენები, გამოფენები, შემეცნებითი ვორქშოფები, სიმულაციური ზონები, პლანეტარიუმი, სამეცნიერო შოუები, „TEKNOFEST-ის დროის გვირაბი“, ეროვნული წარმოების საზღვაო, სახმელეთო და საჰაერო ტექნიკის გამოფენა, საგამოფენო-სავაჭრო ღონისძიებები და მოსწავლეებისთვის განკუთვნილი პირველი ფრენის აქტივობები.

ფესტივალის მესამე დღე კონცერტით დასრულდება.

„TEKNOFEST-ი სამხრეთ-აღმოსავლეთში“ 4 ოქტომბრამდე მრავალფეროვანი პროგრამით გაგრძელდება.