არაღჩი: ისრაელის თავდასხმამ თეირანის საწვავის საცავებზე „საერთაშორისო სამართალი დაარღვია“

ირანის საგარეო საქმეთა მინისტრმა აბას არაღჩიმ განაცხადა, რომ ისრაელის მიერ ირანის დედაქალაქ თეირანში საწვავის საცავების დაბომბვამ „საერთაშორისო სამართალი დაარღვია და ეკოლოგიური კატასტროფა გამოიწვია“.

არაღქიმ ორშაბათს X-ზე დაწერა: „რეგიონის მაცხოვრებლების ჯანმრთელობა და კეთილდღეობა გრძელვადიანი ზიანის წინაშე აღმოჩნდება. ნიადაგისა და მიწისქვეშა წყლების დაბინძურებას შეიძლება ჰქონდეს შედეგები, რომლებიც თაობების განმავლობაში გასტანს“.

მან ასევე მოითხოვა ისრაელის დასჯა „ომის დანაშაულების გამო“.

მას შემდეგ, რაც 28 თებერვალს ისრაელმა და აშშ-მა ირანის წინააღმდეგ ერთობლივი ომი დაიწყეს, კონფლიქტი სულ უფრო გამწვავდა, რასაც დაახლოებით 1 300 ადამიანის სიკვდილი მოჰყვა, მათ შორის იმდროინდელი სულიერი ლიდერის, ალი ხამენეის.

ირანმა ამ თავდასხმებს უპილოტო საფრენი აპარატებითა და რაკეტებით უპასუხა, რომელთა სამიზნე იყო ისრაელი, იორდანია, ერაყი და სპარსეთის ყურის ის ქვეყნები, სადაც განთავსებულია აშშ-ის სამხედრო ძალები.