თურქეთის თავდაცვის სამინისტრომ სამშაბათს განაცხადა, რომ საქართველოში თურქული სამხედრო სატვირთო თვითმფრინავის ჩამოვარდნის შედეგად 20 ჯარისკაცი დაიღუპა.
ოთხშაბათს გაკეთებულ განცხადებაში სამინისტრომ თქვა: „აზერბაიჯან-საქართველოს საზღვარზე ჩამოვარდნილი ჩვენი სამხედრო სატვირთო თვითმფრინავის ნამსხვრევებთან სამძებრო-სამაშველო და ავარიის გამომწვევი მიზეზების შემსწავლელი ჯგუფის მუშაობა, საქართველოს ხელისუფლებასთან კოორდინაციით, 06:30 საათზე დაიწყო.“
თურქეთის კუთვნილი C-130 ტიპის სამხედრო სატვირთო თვითმფრინავი, რომელშიც 20 ჯარისკაცი იმყოფებოდა, აზერბაიჯანიდან თურქეთისკენ მიმავალ გზაზე ჩამოვარდა.
სამინისტრომ ასევე გაასაჯაროვა დაღუპული 20 ჯარისკაცის ვინაობა.
პრეზიდენტმა რეჯეფ თაიფ ერდოღანმა სამშაბათს ცალ-ცალკე სატელეფონო საუბრები გამართა აზერბაიჯანის პრეზიდენტ ილჰამ ალიევთან და საქართველოს პრემიერ-მინისტრ ირაკლი კობახიძესთან, რა დროსაც მიმდინარე სამძებრო-სამაშველო სამუშაოების შესახებ ისაუბრეს.
დედაქალაქ ანკარაში გამართულ ღონისძიებაზე სიტყვით გამოსვლისას, პრეზიდენტმა ერდოღანმა სამძიმარი გამოუცხადა დაღუპულთა ოჯახებს.
კატასტროფის მიზეზი ჯერჯერობით უცნობია.
კატასტროფის შემდეგ თურქეთს მსოფლიოს სხვადასხვა ქვეყნიდან და ლიდერებისგან სოლიდარობის მესიჯები მიუვიდა.
