ზელენსკიმ სოციალურ ქსელში გამოქვეყნებულ განცხადებაში აღნიშნა, რომ არმიის, მთავრობისა და უსაფრთხოების უწყებების წარმომადგენლებთან შეხვედრაზე ფრონტზე არსებული ბოლო მოვლენები განიხილეს.
ზელენსკის თქმით, მათ განიხილეს უკრაინის არმიის მიერ გადასადგმელი ნაბიჯები დონეცკის ოლქში, კონსტანტინოვკისა და სლავიანსკის მიმართულებით არსებულ ფრონტის ხაზზე, ასევე უკრაინის შეიარაღებული ძალების პირად შემადგენლობასთან დაკავშირებული საკითხები და რუსული თავდასხმებისგან უკრაინის ინფრასტრუქტურის დაცვის დამატებითი ზომების გატარება.
ზელენსკიმ მიუთითა მოკავშირე ქვეყნებიდან უკრაინისთვის საჰაერო თავდაცვის სისტემებისთვის საჭირო რაკეტების მიწოდების მნიშვნელოვან შემცირებაზე და განაცხადა: „საჰაერო თავდაცვისთვის მოწოდებული რაკეტების რაოდენობა 2025 წელთან შედარებით 3-ჯერ შემცირდა. საუბარია არა მხოლოდ ამ ზაფხულზე, არამედ 2026 წლის პირველი ნახევრის მთელ პერიოდზე. მოკავშირეებს რაკეტები აქვთ“.
ზელენსკიმ აღნიშნა, რომ რუსეთში ნავთობობიექტებზე თავდასხმებს აგრძელებენ და დასძინა: „აგრესორისთვის ომის გაჭიანურების ფასი გაიზრდება“.
