აშშ-ის პრეზიდენტის დონალდ ტრამპის სპეციალურმა წარმომადგენელმა უკრაინის საკითხებში, კით კელოგმა, ორშაბათს კიევში შეხვედრა გამართა რუსეთის წინააღმდეგ უსაფრთხოებისა და სანქციების განსახილველად. განცხადება უკრაინის პრეზიდენტის ადმინისტრაციის ხელმძღვანელმა, ანდრეი იერმაკმა გააკეთა.
იერმაკმა, რომელმაც ეს ამბავი ორშაბათს Telegram-ზე გამოაცხადა, აღნიშნა: „ჩვენ ბევრ თემას განვიხილავთ, მათ შორის უკრაინასა და შეერთებულ შტატებს შორის თანამშრომლობის გაძლიერებას, თავდაცვას, უსაფრთხოების გაზრდას, იარაღს, სანქციებს და ჩვენი ხალხის დაცვას“.
უკრაინის პრეზიდენტმა ვოლოდიმირ ზელენსკიმ კვირა საღამოს ერისადმი მიმართვაში განაცხადა, რომ მან უკრაინელ სამხედროებს დაავალა კელოგისთვის ინფორმაციის მიწოდება რუსეთის სამხედრო შესაძლებლობებისა და უკრაინის თავდაცვის შესაძლებლობების შესახებ.
ზელენსკიმ ასევე აღნიშნა, რომ კელოგი შეხვდება უკრაინის უსაფრთხოების სამსახურის (SBU) და დაზვერვის განყოფილებების ხელმძღვანელებს.
„მოლაპარაკებები კვირის განმავლობაში გაგრძელდება“. - თქვა ზელენსკიმ და დასძინა, რომ მათ სურთ შეერთებულმა შტატებმა „ზუსტად გაიგოს, რა შეიძლება გაკეთდეს რუსეთზე მშვიდობისკენ ზეწოლის მიზნით“.
ტრამპმა კვირას გამოაცხადა, რომ უკრაინაში Patriot-ის საჰაერო თავდაცვის რაკეტებს გაგზავნის, რათა მოიგერიონ რუსეთის მზარდი თავდასხმები.
Axios-ის ცნობით, რომელიც საკითხთან დაკავშირებულ ორ წყაროზე დაყრდნობით იუწყება, აშშ-ის პრეზიდენტი დონალდ ტრამპი, სავარაუდოდ, უკრაინისთვის შეტევითი იარაღის მიწოდების ახალ გეგმას გამოაცხადებს. როგორც იტყობიებიან, გეგმა მკვეთრად განსხვავდება ტრამპის წინა პოზიციისგან.
