უკრაინის პრეზიდენტმა ვოლოდიმირ ზელენსკიმ განაცხადა, რომ დაამტკიცა რუსეთის წინააღმდეგ ახალი ოპერაციების ჩატარება.
ზელენსკიმ სოციალურ ქსელში გავრცელებულ განცხადებაში აღნიშნა, რომ სამუშაო ოფისში მიიღო უკრაინის უსაფრთხოების სამსახურის (SBU) ხელმძღვანელის მოვალეობის შემსრულებელი ოლექსანდრ პოკლადი.
ᲠᲔᲙᲝᲛᲔᲜᲓᲔᲑᲣᲚᲘ
პრეზიდენტის თქმით, პოკლადმა მას მიაწოდა ინფორმაცია რუსეთის წინააღმდეგ SBU-ს მიერ განხორციელებული თავდასხმების შესახებ. „უკრაინის უსაფრთხოების სამსახურმა კარგ შედეგებს მიაღწია და დღეს მე ახალი ოპერაციები დავამტკიცე“, - განაცხადა ზელენსკიმ.
ზელენსკიმ ასევე აღნიშნა, რომ პოკლადი უსაფრთხოების სამსახურის ზოგიერთ მაღალჩინოსანს თანამდებობიდან გადააყენებს.
