ირანი, ეგვიპტეში ღაზის სექტორის საკითხზე დაგეგმილ სამიტს არ დაესწრება
ირანის საგარეო საქმეთა სამინისტრომ განაცხადა, რომ თეირანი კვლავ მხარს უჭერს ყველა ინიციატივას, რომელიც მიმართულია „ისრაელის მიერ ღაზაში გენოციდის დასრულებისკენ“ და პალესტინელების თვითგამორკვევის უფლების დასაცავად.
ირანმა გამოაცხადა, რომ პრეზიდენტმა მასუდ ფეზეშქიანმა ან საგარეო საქმეთა მინისტრმა აბას არაღჩიმ მიიღეს მოწვევა, მაგრამ ეგვიპტეში დაგეგმილ ღაზას სამიტში მონაწილეობას არ მიიღებენ.
სახელმწიფო საინფორმაციო სააგენტო IRNA-მ გაავრცელა ინფორმაცია, რომ ეგვიპტემ ირანი წითელი ზღვის საკურორტო ქალაქ შარმ ელ-შეიხში ორშაბათს დაგეგმილ სამიტში მონაწილეობის მისაღებად მიიწვია.
თუმცა, ორშაბათს, დილის ადრიან საათებში, საგარეო საქმეთა მინისტრმა არაღჩიმ X პლატფორმაზე გამოაქვეყნა პოსტი, სადაც სამიტის თანათავმჯდომარე, ამერიკაზე მინიშნებით თქვა: „არც პრეზიდენტ ფეზეშქიანს და არც მე არ შეგვიძლია შევხვდეთ იმ თანამოსაუბრეებს, რომლებიც თავს ესხმიან, ემუქრებიან და აგრძელებენ სანქციების დაწესებას ირანელი ხალხის მიმართ“.
ვაშინგტონი ივნისში ირანსა და ისრაელს შორის 12-დღიან ომში ჩაერია ისრაელის მხარდაჭერით და დაბომბვაში წვლილის შეტანით.
მინისტრმა აღნიშნა, რომ მიუხედავად ამისა, თეირანი მხარს უჭერს ყველა ინიციატივას, რომელიც მიმართულია "ღაზაში ისრაელის მიერ გენოციდის დასრულებისა" და პალესტინელების თვითგამორკვევის უფლების დაცვისკენ.
ირანი არ ცნობს ისრაელს და პალესტინის საკითხი თავისი საგარეო პოლიტიკის ქვაკუთხედად აქცია 1979 წლის რევოლუციის შემდეგ, რომელმაც აშშ-ს მიერ მხარდაჭერილი ირანის შაჰი დაამხო.
ღაზის სამიტი, რომელსაც თანათავმჯდომარეობენ აშშ-ის პრეზიდენტი დონალდ ტრამპი და ეგვიპტის პრეზიდენტი აბდულფატაჰ ელ-სისი, მიზნად ისახავს ცეცხლის შეწყვეტის კონსოლიდაციას და ომის შემდგომი პოლიტიკური ჩარჩოს შემუშავებას.
მოსალოდნელია, რომ სამიტს ოცზე მეტი ქვეყნის ლიდერი დაესწრება, მაგრამ სამიტში უშუალოდ მხარეები, ჰამასი და ისრაელი, მონაწილეობას არ მიიღებენ.