აშშ-ის პრეზიდენტმა დონალდ ტრამპმა თეთრ სახლში, ოვალურ კაბინეტში, ხასიდი ებრაელი რაბინები მიიღო. ისრაელის მედიაში გავრცელებული ინფორმაციის თანახმად, ტრამპი თეთრ სახლში ხასიდი რაბინების ჯგუფს შეხვდა.
აღინიშნა, რომ რაბინებს ასევე შეხვდნენ აშშ-ის ვიცე-პრეზიდენტი ჯეი დი ვენსი, სახელმწიფო მდივანი მარკო რუბიო და ტრამპის სიძე ჯარედ კუშნერი. გარდა ამისა, სოციალურ ქსელებში გავრცელდა ინფორმაცია, რომ რაბინებმა ტრამპს გადასცეს წერილი, რომელშიც აკრიტიკებენ აშშ-ის ადმინისტრაციის ურთიერთობებს ისრაელთან.
თეთრ სახლში გამართული ეს შეხვედრა 1979 წლის შემდეგ აშშ-ის პრეზიდენტისა და ხასიდი რაბინების პირველი შეხვედრაა.
ხასიდი ებრაელები „ანტისიონისტური“ პოზიციით გამოირჩევიან
ხასიდ ებრაელებს შორის ისეთი ჯგუფები, როგორიცაა „სატმარი“ და „ნეტურეი კარტა“, თავიანთი ანტისიონისტური განწყობებით არიან ცნობილნი. ეს ჯგუფები ისრაელის, როგორც სეკულარული სახელმწიფოს, ჩამოყალიბებას რელიგიური კანონების დარღვევად მიიჩნევენ.
ხასიდი ებრაელები, რომელთა მნიშვნელოვანი ნაწილი აშშ-ში (ნიუ-იორკში) და ევროპაში ცხოვრობს, მაქსიმალურად ცდილობენ დისტანცირებას თანამედროვე სამყაროსა და სეკულარული გავლენებისგან. გარდა ამისა, ხასიდი ებრაელები, რომლებიც ისრაელის თითქმის 10-მილიონიანი მოსახლეობის 13%-ს შეადგენენ და მათ „ჰარედიმებადაც“ მოიხსენიებენ, რელიგიური მოტივით სამხედრო სამსახურზე უარს ამბობენ.
