თურქეთის საგარეო საქმეთა სამინისტრომ კოლუმბიაში მომხდარ მიწისძვრასთან დაკავშირებით განცხადება გაავრცელა: „ვუსამძიმრებთ მიწისძვრის შედეგად დაღუპულთა ახლობლებსა და კოლუმბიელ ხალხს, ხოლო დაშავებულებს მალე გამოჯანმრთელებას ვუსურვებთ“.

სამინისტრომ კოლუმბიაში მომხდარი მიწისძვრის შესახებ წერილობითი განცხადება გააკეთა. განცხადებაში აღნიშნულია, რომ ბოგოტაში თურქეთის საელჩო მუდმივ კონტაქტზეა თურქეთის მოქალაქეებთან და მათ მდგომარეობას ყურადღებით აკვირდება.

„ღრმა მწუხარებას გამოვთქვამთ კოლუმბიაში მომხდარი მიწისძვრის შედეგად გამოწვეული მსხვერპლისა და მატერიალური ზიანის გამო. ვუსამძიმრებთ მიწისძვრის შედეგად დაღუპულთა ახლობლებსა და კოლუმბიელ ხალხს, ხოლო დაშავებულებს მალე გამოჯანმრთელებას ვუსურვებთ“, - ნათქვამია განცხადებაში.

აშშ-ის გეოლოგიური სამსახურის (USGS) ინფორმაციით, 7,4 მაგნიტუდის სიმძლავრის მიწისძვრის ეპიცენტრი კოლუმბიის დასავლეთით მდებარე ქალაქ სან-ხოსე-დელ-პალმარიდან დაახლოებით 5 კილომეტრით აღმოსავლეთით მდებარეობდა.

გავრცელებული ინფორმაციით, მიწისძვრის ჰიპოცენტრი 107 კილომეტრის სიღრმეზე იყო.

ბოლო მონაცემებით, მიწისძვრას 132 ადამიანი ემსხვერპლა.