რიადში გამართულ კოალიციის შეხვედრაზე თურქეთმა სირიაში ტერორისტულ ორგანიზაცია დაეშთან ბრძოლაში ერთიანი და კოორდინირებული მიდგომისკენ მოუწოდა და ხაზი გაუსვა სირიის ანტიტერორისტული როლის გაძლიერების აუცილებლობას.
საგარეო საქმეთა სამინისტროს განცხადების თანახმად, თურქეთის საგარეო საქმეთა მინისტრის მოადგილემ, ელჩმა მუსა ქულაქლიქაიამ, ანკარას პოზიცია დაეშის წინააღმდეგ მებრძოლი საერთაშორისო კოალიციის პოლიტიკური დირექტორების შეხვედრაზე წარადგინა.
თავის გამოსვლაში ქულაქლიქაიამ ხაზი გაუსვა სირიაში ცეცხლის შეწყვეტისა და ინტეგრაციის პროცესის ქვეყნის ტერიტორიული მთლიანობისა და ერთიანობის საფუძველზე დასრულების მნიშვნელობას.
ქულაქლიქაიამ ყურადღება გამახვილა ამ ნაბიჯების თურქეთის ეროვნული უსაფრთხოების პრიორიტეტების ფარგლებში დასრულების მნიშვნელობაზე.
მინისტრის მოადგილემ ასევე ხაზი გაუსვა დაეშთან ბრძოლაში სირიის, როგორც კოალიციის წევრის, ერთადერთ ლეგიტიმურ აქტორად აღიარების აუცილებლობას. მან აღნიშნა, რომ სირიის ანტიტერორისტული შესაძლებლობების გაძლიერება კვლავაც აუცილებელია გრძელვადიანი სტაბილურობის უზრუნველსაყოფად და ორგანიზაციასთან ბრძოლაში მუდმივი ეფექტურობის შესანარჩუნებლად.
ქულაქლიქაიამ ასევე აღნიშნა, რომ კოალიციის ფარგლებში კოორდინირებული და ყოვლისმომცველი მიდგომა ხელს შეუწყობს მთელ რეგიონში უსაფრთხოების ხანგრძლივი შედეგების მიღწევას.
დაეშის წინააღმდეგ გლობალური კოალიცია აერთიანებს საერთაშორისო პარტნიორებს ტერორისტულ ორგანიზაციასთან ბრძოლის პოლიტიკური, სამხედრო და სტაბილიზაციის ძალისხმევის კოორდინაციისთვის.
