NBC News-ის ინფორმაციით, რომელიც ინფორმირებულ წყაროებს ეყრდნობა, აშშ ეძებს გზებს რაკეტების შემცირებული მარაგების შესავსებად, რაც გამოწვეულია ისრაელთან ერთად ირანზე თავდასხმებით დაწყებული ომით.
ანონიმური წყაროები ამტკიცებენ, რომ ტრამპმა მრჩევლებთან და მოკავშირეებთან მარაგების შემცირების გამო თავისი „რისხვა გამოხატა“.
წყაროების თქმით, თავდაცვის ინდუსტრიის 7 კომპანიის ხელმძღვანელი ამ კვირაში ტრამპთან შეხვედრისთვის ემზადება. მათივე მტკიცებით, ტრამპი შეხვედრაზე შეეცდება მოახდინოს ზეწოლა „იარაღის წარმოების სწრაფად გაზრდის გზების მოძიების საკითხზე“.
ერთ-ერთი წყაროს თქმით, ტრამპის იმედგაცრუების გამო მოელიან, რომ შეხვედრა „უსიამოვნო“ იქნება.
თავის მხრივ, თეთრი სახლის წარმომადგენელმა ტელეარხს განუცხადა, რომ ტრამპის განრიგში ამ დროისთვის თავდაცვის კომპანიების ხელმძღვანელებთან შეხვედრა არ არის დაგეგმილი.
