ისრაელმა განაცხადა, რომ ირანის სარაკეტო თავდასხმის შედეგად ჩრდილოეთით, ქალაქ ჰაიფაში მდებარე ნავთობგადამამუშავებელი ქარხანა დაზიანდა.
გაზეთ "Times of Israel"-ის კვირის ნომერში გამოქვეყნებული ინფორმაციის თანახმად, ჰაიფაში მდებარე ნავთობგადამამუშავებელი ქარხნის კომპლექსი "ბაზანი", რომელსაც "Bazan Group" ოპერირებს, ღამით ირანული რაკეტების სამიზნე გახდა. თავდასხმების შედეგად დაზიანდა მილსადენები და ელექტროგადამცემი ხაზები.
კომპანიის განცხადებით, ნავთობის გადამუშავება გრძელდება, თუმცა სხვა ობიექტებმა მუშაობა შეაჩერეს.
ასევე აღინიშნა, რომ შემთხვევის ადგილებიდან არანაირი ინფორმაცია არ გავრცელებულა დაშავებულების ან მსხვერპლის შესახებ და რომ ნავთობგადამამუშავებელი ქარხანა მუშაობას აგრძელებს, თუმცა ზოგიერთი დამხმარე ოპერაცია შეჩერებულია.
კომპანიამ ასევე განაცხადა, რომ აფასებს ზარალის გავლენას ოპერაციებზე და მის ფინანსურ შედეგებზე.
თეირანმა რამდენიმე საათში უპასუხა ისრაელის მიერ პარასკევს ირანში სამხედრო და ბირთვული ობიექტების ჩათვლით, რამდენიმე სამიზნეზე განხორციელებულ კოორდინირებულ საჰაერო თავდასხმებს.
ისრაელის ოფიციალური პირების განცხადებით, პარასკევიდან ირანის სარაკეტო თავდასხმების შედეგად სულ მცირე 10 ადამიანი დაიღუპა და 200 დაშავდა.
