ამერიკის შეერთებული შტატების პრეზიდენტმა დონალდ ტრამპმა თურქეთისთვის CAATSA-ს (ამერიკის მოწინააღმდეგეების სანქციების მეშვეობით დაპირისპირების შესახებ კანონი) ფარგლებში დაწესებული სანქციების მოხსნის საკითხზე დადებითი გზავნილი გააჟღერა, თუმცა კონკრეტული გადაწყვეტილება არ გაუცხადებია.
კითხვაზე, თუ რა აფერხებს სანქციების მოხსნას, ტრამპმა უპასუხა: „პრეზიდენტ ერდოღანს ყოველთვის ვესაუბრები. როგორც იცით, ის ჩემი მეგობარია. მასთან ურთიერთობის პოზიტიურად შენარჩუნება ყოველთვის მსურს“.
ივლისში თურქეთში გამართული ნატოს სამიტის ფარგლებში, პრეზიდენტ რეჯეფ თაიფ ერდოღანთან შეხვედრისას, ტრამპმა განაცხადა, რომ სურს CAATSA-ს სანქციების მოხსნა და „დამტკიცებით“ აღნიშნა, რომ განიხილავს ანკარისთვის F-35-ის ტიპის საბრძოლო თვითმფრინავების შესყიდვის ნებართვის მიცემას.
შეგახსენებთ, რომ შეერთებულმა შტატებმა თურქეთი F-35-ის პროგრამიდან 2019 წელს გარიცხა, მას შემდეგ, რაც ანკარამ რუსეთისგან S-400-ის ტიპის საჰაერო თავდაცვის სისტემები შეიძინა. აშშ-ის პრეზიდენტმა დონალდ ტრამპმა თურქეთისთვის CAATSA-ს ფარგლებში დაწესებული სანქციების მოხსნის საკითხზე დადებითი გზავნილი გააჟღერა, თუმცა კონკრეტული გადაწყვეტილება არ გაუცხადებია.
