ისრაელის არმიის გამანადგურებლებმა სირიის ჩრდილოეთით, იდლიბის პროვინციის აღმოსავლეთ ნაწილში მდებარე მიტოვებულ აბუ ალ-დუჰურის სამხედრო აეროდრომზე 4 საჰაერო დარტყმა განახორციელეს.
ადგილობრივი წყაროების ცნობით, თავდასხმები ადგილობრივი დროით დაახლოებით 03:00 საათზე განხორციელდა და ისრაელის თვითმფრინავებმა აბუ ალ-დუჰურის სამხედრო აეროდრომს მიზანმიმართულად ოთხჯერ დაარტყეს.
ჯერჯერობით არ ვრცელდება ინფორმაცია იმის შესახებ, მოჰყვა თუ არა თავდასხმას მსხვერპლი ან არიან თუ არა დაშავებულები.
მომხდართან დაკავშირებით სირიის ოფიციალურ სტრუქტურებს ამ დრომდე განცხადება არ გაუკეთებიათ.
ასადის რეჟიმის დამხობამდე ისრაელი სირიაში ირანულ ძალებსა და „ჰეზბოლას“ კუთვნილ პოზიციებზე ახორციელებდა თავდასხმებს.
რეჟიმის დამხობის შემდეგ კი ისრაელმა გააფართოვა თავდასხმების მასშტაბები მთელი სირიის ტერიტორიაზე მდებარე იარაღისა და რაკეტების საწყობებსა და სტრატეგიულ სამხედრო ობიექტებზე.
