რუსეთის ხელისუფლება აცხადებს, რომ დონის როსტოვში უპილოტო საფრენი აპარატების (დრონების) სასიკვდილო თავდასხმას ორი ადამიანი ემსხვერპლა, ხოლო ბელგოროდში 12 მშვიდობიანი მოქალაქე დაშავდა, მათ შორის ორი ბავშვია.
რუსი მაღალჩინოსნების ინფორმაციით, ღამის საათებში დონის როსტოვსა და ბელგოროდის ოლქში განხორციელებული უკრაინული თავდასხმების შედეგად, სულ მცირე, ორი ადამიანი დაიღუპა და 12 დაშავდა, მათ შორის ორი ბავშვი.
ბელგოროდის ოლქის ოპერატიულმა ცენტრმა რუსულ სოციალურ პლატფორმა „Max“-ზე გამოქვეყნებულ განცხადებაში აღნიშნა, რომ ქალს, რომელსაც საფეთქლის არეში ნამსხვრევი მოხვდა, დახმარება ადგილზევე აღმოუჩინეს.
განცხადების თანახმად, სხვა დაშავებულები სასწრაფო დახმარების ბრიგადებმა საავადმყოფოებში გადაიყვანეს, სადაც ისინი შესაბამის მკურნალობას გადიან.
რეგიონული ხელისუფლების წარმომადგენელთა თქმით, იერიშის შემდეგ ერთ-ერთ საცხოვრებელ კორპუსში რამდენიმე ბინასა და 15-ზე მეტ გაჩერებულ ავტომობილს ცეცხლი გაუჩნდა.
მეხანძრეებმა ხანძარი ჩააქრეს; ერთი კერძო სახლი ნაწილობრივ გამოუსადეგარი გახდა, ასევე დაზიანდა რამდენიმე მრავალბინიანი კორპუსი.
ოფიციალური პირების განცხადებით, ზარალის დადგენის მიზნით დამატებითი სამუშაოები გრძელდება.
ხელისუფლებამ ასევე გავრცელა ინფორმაცია, რომ რუსეთის სამხრეთში მდებარე ქალაქ დონის როსტოვზე განხორციელებული საჰაერო იერიშის შედეგად ორი ადამიანი გარდაიცვალა.
