საგარეო საქმეთა მინისტრმა ჰაქან ფიდანმა, კატარში ვიზიტის დროს, ტელეკომპანია „კატარ ტვ“-ს ინტერვიუ მისცა.

ფიდანმა ყურადღება გაამახვილა იმაზე, რომ კატარი და თურქეთი ისტორიული და ძლიერი ურთიერთობების მქონე ორი ქვეყანაა და აღნიშნა, რომ ორ ქვეყანას შორის სტრატეგიულ პარტნიორობას საფუძველი ჩაეყარა კატარის განსვენებული ემირის, შეიხ ჰამედ ბინ ხალიფა ალ თანის მმართველობის პერიოდში.

ჰაქან ფიდანმა განაცხადა: „ჩვენ ვხედავთ, რომ თურქეთ-კატარის თანამშრომლობის ბრწყინვალე მაგალითი ბევრ საკითხში — ლიბანიდან ავღანეთამდე, ავღანეთიდან სუდანამდე, სუდანიდან ღაზამდე, პალესტინისა და ირანის საკითხებამდე — რეგიონში სხვების მიერაც ფასდება და სამაგალითოა. რეალურად, ჩვენ ყოველთვის ვამბობთ, რომ რეგიონში კონკურენციის ნაცვლად კონსტრუქციული თანამშრომლობაა საჭირო. კატარიც სწორედ ამისთვის დიდ ძალისხმევას იჩენს“.

ყურის რეგიონში, განსაკუთრებით კატარმა, საუდის არაბეთმა, არაბთა გაერთიანებულმა საამიროებმა, ქუვეითმა და ომანმა წლების განმავლობაში სერიოზულ პროგრესს მიაღწიეს. ფიდანმა აღნიშნა, რომ ამ ქვეყნებმა განვითარებისა და საბაზისო მომსახურების დახვეწით მსოფლიო სტანდარტების ძლიერი სახელმწიფოები და ქალაქები შექმნეს.

ჰაqან ფიდანმა განაცხადა, რომ აშშ-ირანის ომი, რომელიც 28 თებერვლიდან გრძელდება, გავლენას ახდენს რეგიონის ეკონომიკაზე და დასძინა, რომ ამ ომის გავრცელების რისკმა შესაძლოა რეგიონში კიდევ უფრო მეტი პრობლემა გამოიწვიოს.

ფიდანმა შეახსენა აუდიტორიას, რომ ამჟამად თავდასხმები ხორციელდება ინფრასტრუქტურაზე და ხაზგასმით აღნიშნა: „ჩვენი სურვილია, რაც შეიძლება მალე კვლავ დაუბრუნდნენ შეთანხმებას ირანსა და ამერიკას შორის. როგორც იცით, პაკისტანის შუამავლობით, კატარის ინტენსიური და თურქეთის წვლილით მომზადდა ურთიერთგაგების მემორანდუმი. თუმცა, მოგვიანებით ამას დავშორდით. საჭიროა კვლავ ამას დავუბრუნდეთ“.

საგარეო საქმეთა მინისტრმა აღნიშნა, რომ კატარში ვიზიტისას გამართულ შეხვედრებზე ეს საკითხები განიხილეს და შემდეგი განაცხადა:

„სიამოვნებით ვხედავ, რომ კატარი კვლავ ყველაფერს აკეთებს ამ კრიზისის მოსაგვარებლად, იყენებს ყველა კონსტრუქციულ მეთოდსა და ყველა არხს. იმედია, ამ დღეებში კარგ ამბავს მივიღებთ. თურქეთი ამ საკითხში კატართან მჭიდრო კოორდინაციაშია. როგორც კატარის უსაფრთხოება და მშვიდობა, ისე რეგიონის უსაფრთხოება და სტაბილურობა თურქეთის ინტერესებშიც შედის. შესაბამისად, როგორც ყურის რეგიონთან, ისე ისლამური სამყაროს სხვა ქვეყნებთან ერთად, ისევე როგორც ბევრ სხვა საკითხში, ამ საკითხზეც ერთობლივ მუშაობას გავაგრძელებთ“.