თურქეთის რესპუბლიკის შინაგან საქმეთა მინისტრმა განაცხადა, რომ სტამბოლის ბეშიქთაშის რაიონში, მომხდარი შეიარაღებული შეტაკების შედეგად სამი შეიარაღებული ეჭვმიტანილი იქნა ნეიტრალიზებული, ხოლო ორი პოლიციელი დაიჭრა.

შინაგან საქმეთა მინისტრმა მუსტაფა ჩიფთჩიმ განაცხადა, რომ ეჭვმიტანილებმა პოლიციას ცეცხლი „იაფი კრედი პლაზას“ (Yapı Kredi Plaza) კომპლექსის წინ გაუხსნეს, რასაც მოჰყვა საპასუხო სროლა, რომლის დროსაც სამივე თავდამსხმელი „ნეიტრალიზებულ იქნა“. აღინიშნა, რომ დაჭერილი ორი პოლიციელების მდგომარეობა მსუბუქია.

იუსტიციის მინისტრმა აქინ გიურლექმა კი განმარტა, რომ ტერიტორიიდან სროლის ხმის შესახებ მიღებული შეტყობინების შემდეგ პროკურორებმა დაუყოვნებლივ დაიწყეს გამოძიება; შემთხვევის ადგილზე გაიგზავნა მთავარი პროკურორის მოადგილე და ორი პროკურორი.

ეჭვმიტანილები იდენტიფიცირებულია, კავშირები მოწმდება

ოფიციალური პირების განცხადებით, ეჭვმიტანილები სტამბოლში იზმითიდან ნაქირავები ავტომობილით ჩავიდნენ. დადგინდა, რომ ერთ-ერთ ეჭვმიტანილს კავშირი ჰქონდა რელიგიური ექსტრემისტული მიმართულების ჯგუფთან, ხოლო მეორეს (ეჭვმიტანილთა შორის მყოფ ორ ძმიდან ერთ-ერთს) წარსულში ნარკოტიკებთან დაკავშირებული დანაშაული უფიქსირდება.

ხელისუფლების წარმომადგენლებმა განაცხადეს, რომ გამოძიება უსაფრთხოების სამსახურებთან კოორდინაციით გრძელდება და ძირითადი აქცენტი თავდასხმის მასშტაბისა და შესაძლო მოტივების დადგენაზეა გადატანილი.