ნიუ-იორკ ტაიმზის თანახმად, აშშ-ის სახელმწიფო მდივანმა მარკო რუბიომ უარყო ცნობები ტრამპის ადმინისტრაციიდან წასვლის გეგმების შესახებ იმ ფონზე, როდესაც შუალედურ არჩევნებში რესპუბლიკელების მარცხის შემდეგ ის თავის შემდგომ ნაბიჯებს აფასებს.

ხუთშაბათს ნიუ-იორკ ტაიმზ-თან ინტერვიუში რუბიომ აღნიშნა, რომ დონალდ ტრამპთან მისი საპრეზიდენტო ვადის ამოწურვამდე მუშაობა „ყოველთვის მის გეგმებში შედიოდა“.

რუბიო, რომელიც ამავდროულად ტრამპის ეროვნული უსაფრთხოების მრჩევლადაც მსახურობს, 2028 წლის საპრეზიდენტო რბოლაში ტრამპის ერთ-ერთ შესაძლო მემკვიდრედ მიიჩნევა.

სამშაბათს გამართულ შუალედურ არჩევნებამდე სულ რამდენიმე დღით ადრე, საარჩევნო კამპანიის დროს რუბიო აშშ-ის ლიდერის გვერდით უჩვეულოდ გამოჩნდა - იგი მიტინგზე ტრიბუნასთან ავიდა და შეკრებილ ხალხს მოკლე სიტყვით მიმართა.

თუმცა, ხუთშაბათს რუბიომ უარი თქვა საკუთარ პოლიტიკურ მომავალთან დაკავშირებულ კითხვებზე პასუხის გაცემაზე და განაცხადა: „2028 წელზე საუბარს ნამდვილად აღარ ვაპირებ“.

ხუთშაბათს უფრო ადრე Bloomberg News-მა გაავრცელა ინფორმაცია, რომ რუბიო ადმინისტრაციის დატოვების შესაძლებლობას განიხილავდა.

გავრცელებულ ცნობაში ნათქვამი იყო, რომ რუბიომ თანამდებობის დატოვების საკითხი თეთრი სახლის ოფიციალურ პირებთან განიხილა, რაზეც მას პოსტზე დარჩენა სთხოვეს.

თუმცა, სახელმწიფო დეპარტამენტმა მკაცრი პასუხი გასცა ცნობებს რუბიოს შესაძლო წასვლის შესახებ.