ნატოს გენერალურმა მდივანმა მარკ რუტემ განაცხადა, რომ 7-8 ივლისს დაგეგმილი ანკარის სამიტი მოკავშირეების მიერ ვალდებულებების შესრულებაზე იქნება ფოკუსირებული.
რუტემ აღნიშნა, რომ არსებული უსაფრთხოების გარემო ბევრად უფრო სახიფათოა, რის გამოც ნატოს მოკავშირეების ერთობლივ მუშაობას უსაფრთხოების უზრუნველსაყოფად კრიტიკული მნიშვნელობა აქვს.
რუტემ განაცხადა, რომ რუსეთი კვლავ რჩება „უმთავრეს საფრთხედ“ ევროპული და ატლანტიკური უსაფრთხოებისთვის და დასძინა, რომ მოკავშირეები ასევე განიცდიან ისეთ საფრთხეებს, როგორიცაა კიბერშეტევები და საბოტაჟი.
მარკ რუტემ მიუთითა, რომ შვედეთში მოკავშირეების დღის წესრიგის მთავარ საკითხებს შორის უკრაინა და ახლო აღმოსავლეთი იქნება, და ყურადღება გაამახვილა ჰორმუზის სრუტის საკითხზე მოკავშირეების მიერ გადადგმულ ნაბიჯებზე.
რუტემ აღნიშნა, რომ ჰორმუზის სრუტის ჩაკეტვა პირდაპირი თავდასხმაა ნავიგაციის თავისუფლებასა და გლობალურ ვაჭრობაზე და ბევრი ქვეყანა უკვე გაერთიანდა ნავიგაციის თავისუფლების უზრუნველყოფის გეგმების გარშემო.
ნატოს გენერალურმა მდივანმა ხაზგასმით აღნიშნა, რომ მთავარი საკითხი ქმედითი ნაბიჯებია; მისი თქმით, მიმდინარეობს გარკვეული არაფორმალური დისკუსიები ნატოს პირდაპირ ჩართულობასთან დაკავშირებით და ვითარება დინამიკურია.
რუტემ შეახსენა დამსწრეებს, რომ მოკავშირეებმა ჰააგის სამიტზე თავდაცვის ხარჯებთან დაკავშირებით ისტორიული გადაწყვეტილება მიიღეს: „ამიტომ, ანკარის სამიტი მოკავშირეების მიერ ვალდებულებების შესრულებაზე იქნება ორიენტირებული. საკითხი აღარ მდგომარეობს იმაში, გვჭირდება თუ არა მეტის გაკეთება. მთავარი კითხვაა, რამდენად სწრაფად შეძლებენ მოკავშირეები ვალდებულებების შესაძლებლობებად გარდაქმნას“.
