პრეზიდენტმა რეჯეფ თაიფ ერდოღანმა განაცხადა: „ისრაელის მძიმე პროვოკაციების მიუხედავად, ვხედავთ, რომ სირიაში მშვიდობა, სიმშვიდე და სტაბილურობა კვლავ იწყებს აღმოცენებას“.

პრეზიდენტმა სიტყვით მიმართა „სამართლიანობისა და განვითარების პარტიის“ საპარლამენტო ფრაქციის სხდომას თურქეთის დიდ ეროვნულ მეჯლისში.

პრეზიდენტმა ერდოღანმა აღნიშნა, რომ როგორც თურქეთი, საჭიროების ყოველ ეტაპზე განაგრძობენ სირიის გვერდში დგომას და ცდილობენ შეასრულონ თავიანთი წილი პასუხისმგებლობა სირიელი ხალხის კეთილდღეობისა და მშვიდობისთვის:

„ბავშვების მკვლელობით დამტკბარი ჯალათები, საითაც არ უნდა გაიქცნენ, სამალავებში იქნებიან მიკვლეულნი და სათითაოდ განეიტრალებულნი. ხელში იარაღითა და წინ სხვადასხვა ნაჭრებით თურქეთის დამმუქრებლებისთვის; ბანიასში 248 უდანაშაულო ადამიანისა და რეიჰანლიში ჩვენი 53 მოქალაქის სისხლის დამქცევთათვის; სირიელი პატარების ცხედრებზე გმირობის პოზების მიმღები არამზადებისთვის პასუხისგების ჟამი დადგა“.

პრეზიდენტმა ასევე განაცხადა:

„ვულოცავ სირიის დაზვერვასა და MİT-ის (ეროვნული დაზვერვის ორგანიზაციის) ფარულ გმირებს, რომლებმაც ბანიასის, რეიჰანლისა და სირიაში მომხდარი ხოცვა-ჟლეტის ჩამდენი ტერორისტის დაკავება უზრუნველყვეს“.