თურქეთმა ესპანეთთან ფრე ითამაშა (2-2), რითაც E ჯგუფში მეორე ადგილი დაიკავა და 2026 წლის FIFA-ს მსოფლიო ჩემპიონატის პლეი-ოფში გავიდა. ესპანეთმა კი ამ მატჩის შემდეგ მსოფლიო ჩემპიონატზე მონაწილეობა გაინაღდა.
სევილიაში, „ლა კარტუხას“ სტადიონზე გამართულ მატჩში, ესპანეთი მე-4 წუთზე დანი ოლმოს გოლით დაწინაურდა, თურქეთმა კი 42-ე წუთზე დენიზ გიულით ანგარიში გაათანაბრა.
თურქეთი 54-ე წუთზე სალიჰ ოზჯანის შორეული დარტყმით დაწინაურდა.
ესპანეთმა 62-ე წუთზე მიკელ ოიარსაბალით ანგარიში კვლავ გაათანაბრა და მატჩი 2-2 დასრულდა.
თურქეთის ნაკრების გოლები ესპანეთისთვის შესარჩევ მატჩებში კარში მიღებული პირველი ორი გოლი იყო; ამ მატჩით ესპანეთმა საკვალიფიკაციო ეტაპზე პირველი ფრე ითამაშა.
მსოფლიო ჩემპიონატის პლეი-ოფის ნახევარფინალში თურქეთი შვედეთს, რუმინეთს, ჩრდილოეთ მაკედონიას ან ჩრდილოეთ ირლანდიას დაუპირისპირდება.
