TRT World Forum, მსოფლიოს ერთ-ერთი უდიდესი მედია ფორუმი, რომელიც მე-9-დ გაიმართება სტამბოლში 31 ოქტომბრიდან 1 ნოემბრის ჩათვლით. ღონისძიებაში მონაწილეობას მიიღებენ მრავალი სპიკერი და ექსპერტი სხვადასხვა სფეროდან.
თურქეთის ტელე-რადიო მაუწყებლობის (TRT) მიერ ორგანიზებული ფორუმი მსოფლიოს სხვადასხვა კუთხიდან მოიწვევს ექსპერტებსა და მაღალი რანგის ოფიციალურ პირებს.
წლევანდელი ფორუმის თემა იქნება „გლობალური გადატვირთვა: ძველი წესრიგიდან ახალ რეალობებამდე“. ღონისძიება ფოკუსირებული იქნება გლობალური არასტაბილურობის ზრდაზე და გადაუდებელ პრობლემებზე, რომელთა წინაშეც დგას საერთაშორისო საზოგადოება.
გასულ წლებში TRT World Forum-მა ათასობით მონაწილეს უმასპინძლა და დიდი ინტერესი გამოიწვია მაღალი რანგის პოლიტიკოსებისა და დიპლომატების მხრიდან.
წლევანდელ სესიებზე განხილული იქნება ძირითადი საერთაშორისო საკითხები, როგორიცაა თურქეთის თავდაცვის პოლიტიკა, სირიის რეკონსტრუქცია და დიპლომატია და მმართველობა მრავალპოლარულ სამყაროში.
პანელებზე ასევე გაიმართება დისკუსიები გეოპოლიტიკის, უსაფრთხოების, კლიმატისა და ენერგეტიკის, ტექნოლოგიის, მედიის, საერთაშორისო სამართლისა და გლობალური ეკონომიკური ტრანსფორმაციების სფეროებში.
მოსალოდნელია, რომ პრეზიდენტი რეჯეფ თაიფ ერდოღანი, რომელიც ფორუმში 2017 წლიდან მონაწილეობს, წელსაც სიტყვით გამოვა საერთაშორისო მოვლენებზე.
ფორუმის მიზანია დიალოგის წახალისება, გადაწყვეტილების მიმღებ პირთა გაერთიანება და ახალი სტრატეგიული პერსპექტივების შეთავაზება გლობალური კრიზისებისა და ცვლილების პროცესების მართვისთვის.
TRT World Forum 2025-ისთვის რეგისტრაცია მიმდინარეობს trtworldforum.com-ზე.
