სირიელმა მაღალჩინოსანმა ორშაბათს განაცხადა, რომ ტერორისტულ ორგანიზაცია YPG-სთან მიღწეული შეთანხმების ფარგლებში, უსაფრთხოების ძალები სირიის ჩრდილო-აღმოსავლეთით, ჰასაქას მუჰაფაზაში მდებარე ქალაქ კამიშლიში შევლენ.
ეს განცხადებები ჰასაქას შინაგანი უსაფრთხოების ძალების სარდალმა, მერვან ალ-ალიმ ტელეკომპანია Alikhbaria-ს მას შემდეგ მისცა, რაც უსაფრთხოების ძალებმა ქალაქში შესვლა დაიწყეს.
„დღეს ჰასაქაში შინაგან საქმეთა სამინისტროს პერსონალი და დიდი რაოდენობით ავტომობილი შევიდა, რის შემდეგაც მსგავსი ძალები კამიშლიშიც შევლენ“, - განაცხადა მან, თუმცა კონკრეტული ვადები არ დაუკონკრეტებია.
ალ-ალის თქმით: „შეთანხმების პირობების შესრულების შემდეგ, „ასაიშის“ (საზოგადოებრივი წესრიგის დაცვის ძალები) და YPG-სთან დაკავშირებული სხვა უსაფრთხოების დანაყოფები შინაგან საქმეთა სამინისტროს სტრუქტურაში მოხდება მათი ინტეგრაცია. გაურკვეველი ვითარების გამო, პროვოკაციების თავიდან ასაცილებლად და ჟურნალისტების უსაფრთხოების უზრუნველსაყოფად, მედიის წარმომადგენლებს ქალაქ ჰასაქაში შესვლის უფლება არ მიეცემათ“.
ალ-ალიმ ასევე დასძინა: „ჰასაქაში მყოფი უსაფრთხოების ძალები არსებულ პოზიციებზე დარჩებიან და იგივე ძალები კამიშლიშიც შევლენ“.
ტელეარხმა ორშაბათს დილით ადრე გავრცელა ინფორმაცია, რომ შინაგანი უსაფრთხოების ძალები ჰასაქაში ადგილობრივი მოსახლეობის მხრიდან თბილი დახვედრით შევიდნენ.
სააგენტო „ანადოლუს“ კორესპონდენტის ცნობით, შინაგანი უსაფრთხოების კონვოი რვა ჯავშანტრანსპორტიორისგან, ოთხი ყველგანმავალი ავტომობილისგან, სასწრაფო დახმარების მანქანებისა და მობილური კავშირგაბმულობის დანაყოფებისგან შედგებოდა. რეპორტიორმა ასევე აღნიშნა, რომ კონვოი ჰასაქას ცენტრისკენ მიიწევდა.
შეთანხმების ფარგლებში, სირიის შინაგანი უსაფრთხოების ძალები აინ ელ-არაბის რაიონის სამხრეთით მდებარე სოფელ შუიუხშიც შევიდნენ.
ეს ნაბიჯები გადაიდგა იმ „ყოვლისმომცველი შეთანხმების“ ფარგლებში, რომლის შესახებაც მთავრობამ პარასკევს გამოაცხადა. შეთანხმება მიზნად ისახავს ქვეყნის დაყოფის დასრულებას და სრული ინტეგრაციის ახალი ეტაპისთვის ნიადაგის მომზადებას.
