ხელისუფლების წარმომადგენლების ინფორმაციით, ლიბანის ჩრდილოეთით მდებარე ქალაქ ტრიპოლში ძველი საცხოვრებელი კორპუსის ჩამონგრევის შედეგად მსხვერპლთა რაოდენობა ცხრამდე გაიზარდა.
ხუთსართულიანი შენობა კვირას, გამთენიისას, ტრიპოლის ბაბ ელ-ტაბანეს უბანში ჩამოინგრა. შემთხვევის ადგილზე სამძებრო-სამაშველო სამუშაოები კვლავ გრძელდება.
ლიბანის სამოქალაქო თავდაცვის გენერალურმა დირექტორმა, იმად ხრეიშმა ჟურნალისტებს განუცხადა, რომ ნანგრევებიდან 15 ადამიანია ამოყვანილი, მათგან ექვსი გადარჩა.
სააგენტო „ანადოლუს“ მიერ მოპოვებული ინფორმაციით, მაშველები კვლავ ცდილობენ მიაღწიონ დაახლოებით რვა ადამიანს, რომლებიც, სავარაუდოდ, ნანგრევების ქვეშ არიან მოყოლილი.
ტრიპოლის მერმა, აბდელ ჰამიდ კარიმემ მანამდე განაცხადა, რომ ჩამონგრევის შედეგად ექვსი ადამიანი დაიღუპა, შვიდი კი დაშავდა.
