გავრცელებული ინფორმაციით, ირანს აშშ-სთან რაიმე მოლაპარაკების გამართვის გეგმა არ აქვს.
ირანის ოფიციალური საინფორმაციო სააგენტო IRNA-ს მიერ გავრცელებულ ინფორმაციაში, რომელიც გაეროს გენერალურ ასამბლეაში მონაწილეობის მისაღებად ნიუ-იორკში ჩასული ირანის დელეგაციის ერთ-ერთ წევრს ეყრდნობა, ნათქვამია, რომ ამჟამად აშშ-ში მყოფი საგარეო საქმეთა მინისტრი აბას არაღჩი წინასწარ დაგეგმილ შეხვედრებს დაასრულებს და სამშაბათს ირანში დაბრუნდება. ასევე, აღნიშნულია, რომ აშშ-სთან რაიმე მოლაპარაკების გეგმა არ არსებობს.
ინფორმაციაში ასევე ნათქვამია, რომ ირანის მიერ კატარის შუამავლობით აშშ-სთვის გადაცემულ პირობებთან დაკავშირებით პასუხი ჯერ არ მიუღიათ და აღნიშნულ პასუხს ელოდებიან.
მას შემდეგ, რაც აშშ-ის პრეზიდენტმა დონალდ ტრამპმა განაცხადა, რომ უარყო ირანის მიერ ჰორმუზის სრუტის გახსნის სანაცვლოდ წამოყენებული პირობები, მან აღნიშნა, რომ ამ კვირაში ირანთან მოლაპარაკებების ახალი რაუნდის გამართვას ელოდება.
